आठवणीतली तू

आठवणीतली तू 

माहित आहेत मला तुझ्या सर्व खाणाखुणा
हृदयात प्रेम आहे पण चेहऱ्यावर तिरस्कार जुना..

तू तुझ्या लांब सडक केसांनी, मला बांधू पाहायचीस..
आणि नाही जमलं म्हणून त्याची घट्ट वेणी बांधायचीस,
माझ्या साठी तुही कधी रात्र रात्र जागायचीस..
मला बघता क्षणी कधी डोळ्यांनी तर कधी ओठांनी लाजायचीस,

माझ्या एका नजरेसाठी तू खिडकीत उभी रहायचीस..
कधी बहाणा करून बाल्कनीत कपडे वाळत घालायचीस,
माझ्यासाठी  तू  उघड्या डोळ्यांनी तळमळायचीस..
दुसरी कुणी जवळ आली तर मनापासून  जळायचीस,

खरं सांगू मनापासून तू हि मला आवडायचीस..
पण नशीबपुढे तशी कुणाची गाडी चालायची,

आशा आहे आता तरी समजशील तू माझ्या भावना
सरण आद्य उताऱ्यावरच्या ह्या शेवटच्या पाऊल खुणा..
माहित आहेत मला तुझ्या सर्व खाणाखुणा..
हृदयात प्रेम आहे पण चेहऱ्यावर तिरस्कार जुना!

-Shashank kondvilkar