दुनियेची रीत

कित्येकदा खाली पडलो..
कुणीच उचलण्यासाठी आलं नाही;
थोडंसं उडण्याचा काय प्रयत्न केला..
जराही पाडणा-यांची कमी झाली नाही.
- शशांक कोंडविलकर

याला जीवन ऐसे नाव

"याला जीवन ऐसे नाव"

पाण्याचा एक 'थेंब' जर 'वातीवर' पडला;
तर 'दिवा' ही निट जळत नाही,
मनाला 'संशयाचा' गंध चढला;
तर 'जीवन' काय हेच कळत नाही...

करार 'सावलीचा' जेव्हा..
होतो रखरखत्या 'उन्हाशी';
पाझरणा-या 'डोळ्यांचा'..
मग खेळ भाबड्या 'मनाशी',

'ओळखीची' सोबत..
मिळते अनोळख्या 'वळणाशी';
'पाऊलवाट' गुरफटताना..
तक्रारीचा संभ्रम 'वा-याशी',

खरंच 'नियतीचं' गणित..
कधी 'सांधता' येत नाही;
जीवन म्हणजे 'उत्तरच' हो..
पण 'प्रश्न' मांडता येत नाही,

पाण्याचा एक 'थेंब' जर 'वातीवर' पडला;
तर 'दिवा' ही निट जळत नाही,
मनाला 'संशयाचा' गंध चढला;
तर 'जीवन' काय हेच कळत नाही.

- शशांक कोंडविलकर

सहज सुचलेलं

"सहजचं सुचलेलं"

हलकं - फुलकंच असतं आयुष्य..
ओझं तर अपेक्षांच असतं;
बंद मुठीत जन्माचं सार..
उघड्या हाती सुखांत वसतं.

- शशांक कोंडविलकर

निःशब्दातला भावगर्भ

काही न बोलता आज तीने..
फक्त हातावर हात ठेवला होता;
खरंच कळलं हो न बोलता ही..
भावना अगदी सहज उमजून येतात;
तसा प्रत्येकालाच आज काल..
स्वतःसाठी space हवा असतो;
पण आपुलकीचा base पुरेपूर असला..
तर 'निशब्दातले भावगर्भ' ही;
सारं काही बोलून जातात.
- शशांक कोंडविलकर

मन की बात

"मन की बात.."
आज सहजच विचारलं तीला.. 👦
"कोणत्याही गोष्टीने पाघळत नाही तू;
इतकं 'कठीण मन' कुठे गं करुन मिळतं.."
तशीच गुश्श्यातच  म्हणाली ती; 👱
"माझ्या मनाचं राहूदे.. आधी मला सांग!
'मलाच पडलेलं तुझ्याबद्दलचं हे Question'
तुलाच कसं काय रे छळतं!"
🤔😏🙄

लेपण

"लेपण"

खरं म्हटलं तर इथे प्रत्येकानेच..
आपआपल्या पद्धतीने वापर केला 'मनाचा';
आणि मन उगाचच समजायचं..
लोकांच्या पसंतीला उतरलो आपण,
आता वाटतं 'बेजबाबदारपणाच'..
अगदी बरा होता;
कारण जबाबदारीने वागल्यावर..
अपेक्षांच अनाठाई असतं 'लेपण'.

- शशांक कोंडविलकर

प्राक्तन

#प्राक्तन.. #प्रारब्ध.. #destiny.. #predestination

देव जाणे कुठले गुन्हे झाले हातून..
की 'आकांक्षाच्या' वयात 'अनुभवचं' ठोस मिळाले
अनुभवांतून प्रगल्भ झाली दुःखाची मिमंसा..
आणि 'नवीन दुःखच' जून्या दुःखांवरचे 'डोस' कळाले

- शशांक कोंडविलकर

अंतिम सत्य

'अंतिम सत्य'

खरं सांग काय मिळवलं इथं,
जे हरवण्याची भिती बाळगतो रे 'जीवा'..
तू गेल्यावर दोन आसवं गाळेलं ही 'दुनिया'
आणि फायद्यासाठी शोधेल पुन्हा नवाकोरा 'दुवा'

- शशांक कोंडविलकर

आयुष्य

#आयुष्य.. #life.. #lifespan #जीवन

आयुष्य ही किती विचित्र म्हणायचं..
हसू लागलो की लोकं जळतात,
आणि शांत राहण्याचा प्रयत्न केला..
तर संशयाच्या माना वळतात.
 - शशांक कोंडविलकर

प्रेम

"प्रेम..."

'प्रेम' असं करावं.. की भले;
ते 'प्रेम' आपल्याला मिळालं नाही तरी,
समोरच्याला जेव्हा 'ते' मिळेल..
तेव्हा आपल्या 'प्रेमाची' आठवण..
त्याला 'प्रेमाने' आली पाहिजे.


- शशांक कोंडविलकर

बालिश

"#बालिश"
#immature #childish #infantile #puerile

माझ्या आतल्या बालमनाला..
मी नेहमीच 'जिवंत' ठेवण्यात धन्यता मानतो;
कारण जास्तीचा 'समजूतदारपणा'..
जगण्यामध्ये निरसपणा आणतो.

- शशांक कोंडविलकर

व्यथा दुःखाची

"व्यथा दुःखाची"

माणसांच्या या गर्दीमध्ये..
फक्त याच गोष्टीचं रडणं आहे,
'दुःख' स्वतःचं असेल तर 'मार्मिक'..
आणि इतरांचं मात्र 'खेळणं' आहे.


- शशांक कोंडविलकर

नशीबाचं पान

"नशीबाचं पान"

जग थोडं अजबच म्हणायचं..
अपयशाची निंदा करतं..
पण यशावर मनापासून जळतं;
मात्र घामाच्या शाईने..
जे आकांक्षांना लिहू पाहतात..
त्यांच्या नशीबाचं पान..
नक्कीच 'कोरेपणा' टाळतं.

- शशांक कोंडविलकर